PLANTSADO na ang planong pagtatayo ng isang ospital bilang pagtalima ni Paniqui Town Mayor Miguel “Dors” C. Rivilla,sa kanyang pangako sa mga mamamayan na palakasin pa ang paghahatid ng pangunahing serbisyo sa programang pangkalusugan.

Ayon kay Rivilla,ang panukalang ito ay kaaagad kinatigan ng mga miyembro ng Sangguniang Bayan sa liderato ni Vice Mayor Gin Linsao.

Sinabi ni Rivilla na isang consultative meeting ang kanyang tinawag na dinaluhan ng mga opisyales ng Kagawaran ng Kalusugan,Phil.Health Insurance Corporation.Paniqui LGU department heads at iba pang mga duktor na may expertise sa management  ng isang ideyalistikong ospital.

Sa pamamagitan umano ng naturang pulong,napag-alaman niyang napakafeasible ang proyektong pagtatayo ng isang municipal hospital bilang isa sa mga pangunahing serbisyo para sa mga mamamayan.

“Madali lang ang magtayo ng isang ospital pero hindi madali ang operasyon nito kaya't kailangan pa ang hustong pag-aaral.Magkagayunpaman,sinisiguro ko sa aking mga kababayan na maitatayo ang kahilingan nilang makapagtayo tayo natin ng isang ospital,”diin ni Rivilla sa pangradyong palatuntuan ng mga Paniquenyo sa Himpilang DZTC 828 Khz na “Lipad Nang Umunlad.”

Ngayon pa lamang ay punong-puno na ng mga text messages ang naturang Radio Show na bumabati kay Rivilla dahilan upang maagap niyang pag-aksyon sa pangangailangan ng kanyang mga mamamayan.

Isang texter pa ang nagmungkahi sa naturang Radio Program na kapag nakumpleto na umano ang konstruksyon ng proyektong ospital ay pangalanan itong “Tirso Rivilla Memorial Foundation Hospital (Paniqui Municipal Hospital),” ay ilan lamang sa mga text messages na natatanggap ni Mayor Rivilla sa kanyang Radio Show.

“Maraming salamat sa ating texter na si Dexter ng ICF, dahil pinahahalagahan nito ang pangalan ng aking yumaong ama na bagama't hindi siya taga-Paniqui ay nangalaga naman ito sa mga lupain ng mga Cojuangco dito sa ating bayan,”pahayag ni Rivilla.