25 June 2010 -- PORMAL NG BINUKSAN SA MGA MAGSASAKA, MAGING SA MGA NEGOSYANTE AT MANGANGALAKAL NA MAY KINALAMAN SA PAGSASAKA ANG FARMERS INFORMATION & TECHNOLOGY SERVICE (FITS), CENTER SA BAYANG PANIQUI.

Ang pasinaya sa FITS Center ay pinangungunahan ni Paniqui Town Mayor Miguel “Dors” C. Rivilla kasama nina Tarlac College of  Agriculture President Max P. Guillermo, Provincial Agriculture Officer Ms.  Edwina “ Weng” K. Tabamo, Paniqui Municipal Agriculture Virgilio Ildefonso at Tarlac City Agriculture Officer Susan Concepcion.

Ayon kay Rivilla ang FITS Center ay gabay para sa mga magsasaka, negosyante at mga mgangangalakal upang magkaroon ng sapat impormasyon sa makabagong teknolohiya ng pagsasaka.

Sinabi pa ng alkalde na nakalaan ang kanyang suporta sa pamamagitan ng pagkakaloob niya ng libreng computer training sa lahat ng mga magsasaka upang matutunan ng mga ito ang makabagong larangan sa teknolohiya at maka-access sa mga sites na maari nilang maging basehan ng mga isasagawang negosyo o pag-aaral hinggil sa  modernong pagsasaka at merkado ng kanilang mga aning produkto.

Masayang inihalimbawa  naman ni Dr. Guillermo na bagama't napakababa ng tingin ng ibang tao sa camote, sinabi niyang sa kasalukuyan ay umaabot sa milyong pisong halaga ang naitatalang kita mula sa naturang rootcrop sa loob lamang ng isang taon.

“Naglaan kami ng malaking pondo bilang pantustos sa pagtatanim ng camote,” pahayag ni Guillermo.

“Sa ngayon hindi na minamata ang camote sapagkat sa pananim na ito, napakalaking halaga ang kinikita ng mga magsasaka,” dagdag pa niya sa  kanyang mensahe.
Kaugnay nito, isang Memorandum-of-Agreement ang nilagdaan sa pagitan nina Mayor Rivilla at MAO

Ildefonso para sa panig ng Pamahalaang Bayan ng Paniqui aaat nina Dr. Guillermo at PAO Tabamo na nagsasaad ng pagtutulungan ng mga naturang ahensiya para sa pagtataguyod ng FITS Center.

Ang Paniqui FITS Center ay iginuhit ni Engr. Maybelyn C. Aranzaso Mun. Engineer.

Paiinstelahan din ng Internet Connection ang FITS Center.