Muling nagkaroon ng  ibayong pag-asa ang mga Paniquenyo matapos na muling ibukas sa ika-anim na pagkakataon ng Administrasyong Miguel Rivilla ang Jobs Fair sa Paniqui sa pag-asang mapagkakalooban ng trabaho ang kanyang mga kababayan lalo na yaong mga naging biktima ng nagdaang kalamidad.

Tumugon sa Jobs Fair ang mga malalaking kumpanya sa loob at labas ng Lalawigang Tarlac kasama na ang mga grupo ng business process outsourcing na dating kilala bilang Call Center companies.  Ilan sa mga ito ay makailang ulit na ding nagbigay ng trabaho sa ating mga kababayan.

Maraming beses nang nagbukas ng Jobs fair ang Paniqui, at natutuwa ako dahil nagkaroon ng trabaho at hanapbuhay ang aking mga kababayan lalo na ang mga kabataan kaya't nagiging produktibo sila sa kanilang lugar,” pahayag ni Rivilla.

Kaagad na pinuri ni Rivilla ang mga tauhan ng mga kumpanyang dumating sa Paniqui upang mananggapan ng mga aplikante.