Thursday, 26 November 2009 00:00   
P500 para kina Lolo at Lola ng Paniqui

Masayang tinanggap ng may 800 Senior Citizens ng Bayang Paniqui ang katas ng VAT na ipangkaloob ng Malakanyang, sa nakalipas na linggo.

Ayon kay Gng. Norma Lantin, Ingat-Yaman, matapos nila umanong matanggap ang P400,000 pondo agad na tinipon ng Municipal Social Welfare and Development Office ang mga lolo at lola mula sa 35 barangay ng Paniqui upang mapagkalooban ng naturang biyaya.

“Ang mga lolo at lola na pinagkalooban ng P500 cash ay pawang nasa hanay ng mga mahihirap na mamamayan ng Paniqui,” pahayag ni Lantin.

Sinabi pa nito na agad iniutos ni Mayor Miguel Rivilla ang pagtawag sa mga senior citizens upang maibigay sa kanila sa lalong madaling panahon ang naturang Katas ng VAT.

“Ang pondo ay mula sa Malakanyang bilang tulong sa mga katandaan lalo na yaong mga Senior Citizen's na naging biktima ng mga nagdaang kalamidad,” hayag ni Rivilla.

“Salamat kay Pangulong Gloria sa kaloob niyang pera sa amin. Salamat din kay Mayor Dors dahil kaagad niyang ipinabigay sa amin ito. Malaking tulong na sa amin ang perang ito dahil mayroon kaming magagamit na panggastos sa gamot at pagkain,” sabi ni Lola Maring ng Barangay Bacao, isa sa mga nasalanta ng baha na dala ng Bagyong Pepeng sa nakalipas na buwan.

Share/Save/Bookmark
 

Comments  

 
0 #4 jel 2009-12-10 15:20
Gusto ko lang ipa-abot ang aking taos pusong pasasalamat sa WFP sa tulong na pinagkaloob nila noong Dec. 5 '09. Isa ako sa napagkalooban ng half cavan of rice, biscuits, and 5 can goods. Salamat po.
Quote
 
 
0 #3 jel 2009-12-10 15:12
Sana magkaroon din ng entire barangay volleyball league sa aming mga kababaihan. Para maiba naman ang napapanood sa public plaza. Laging basketball na lang ang napanood , medyo nakakaumay na ang mga face nila, sila-sila na lang ang nakikita. Salamat...
Quote
 
 
+2 #2 Ruby Betero 2009-12-02 10:09
Good Day,
Ako po ay isang single parent, nagtraining po ako ng Basic Computer at Food Processing, sana magkaroon ako ng trabaho para matulungan ko 2 kong anak sa kanilang pag-aaral. O kaya may magpahiram ng pangpuhunan para makapag-umpisa ng negosyo.Para magamit ko ang pinag-aralan ko sa food processing. Maraming salamat po.
Quote
 
 
0 #1 Mang Rudy 2009-12-01 17:10
Magandang proyekto po yan nakakalungkot na hindi po nakarating sa amin samantalang SC na din po ako.

Sana po maulit ito at mas maipamigay pa sa mas maraming nakatatanda.
Quote
 

Add comment


Security code
Refresh

Casa Belrina Travel Consultants

Click here to buy Power Saver!